Mér hefur ekki tekist að ná blettunum almennilega úr peysunni, þeir stóru eru ansi fastir, ég ætla samt að reyna eina aðferð enn og sjá til hvernig það gengur. Ef ég næ þessu ekki úr þá prjóna ég bara aðra og ég á von á því að ég þurfi ekki að rekja hana upp eins oft og ég gerði við þessa blettóttu.

Keypti mér þetta garn í trefil og er búin að vera að prófa ýmiskonar hekl aðferðir en er ekki búin að ákveða hvað ég ætla að nota, það getur líka vel verið að ég hætti vil allt saman og hafi hann bara einlitan. Ég er nú voða róleg yfir þessu samt og það liggur svosem ekkert á að byrja og klára, ég þarf að fara að huga að utanlandsferðinni sem er nú bara eftir viku. Já ég var að muna eftir því núna að ég þarf að fara á ferðaskrifstofuna og fá miðann heim, hann er víst ekki sendur fyrr en viku fyrir brottför og það er víst ekkert gagn í flugmiða sem liggur í póstkassanum hér og ég úti, ég ætla bara rétt að vona að ég gleymi ekki að fara í vikunni svo ég komist nú heim aftur. Set þetta á gulan post-it miða og set hann á ennið ..

Það fer alltaf svolítið í pirrurnar á mér hvað fólk notar lítið stefnuljós á bílunum sínum, ég vil nefnilega ekki vita hvað fólk er að gera en ég vil vita hvað fólk ætlar að gera. Umferðin gengur oft svo miklu betur þegar ökumenn vita hvað hinir ætla sér. Eru kannski ekki allir bílar útbúnir stefnuljósum??

Ég náði ekki að klára peysuna en nú á ég bara örlítið eftir eða ég á bara eftir að sauma tölurnar, allir endar eru frágengnir og búið að sauma niður faldinn neðst, á kraga og á ermum svo að ég klára hana annað kvöld  Ég er sennilega bara búin að ákveða næsta verkefni en ég var að spá í að hekla trefil og vera svolítið litaglöð (ég er svo mikið fyrir það ) og hafa hann röndóttan á langvegin. Ég get einhvernvegin ekki séð fyrir mér að það sé hægt að prjóna svoleiðis því þá sé ég hann bara fyrir mér sem strimla svo að ég held að það sé betra að hekla. Ég ætla að sofa á þessu ég veit ekki einu sinni hvaða möguleika ég hef og þá meina ég hvaða hekl aðferð er best að nota enda hef ég nú ekki verið að hekla mikið um ævina og hvað þá prjónað en þetta er rosalega gaman, að vera með ekkert nema garn í höndunum og eftir smá tíma er komin einhver hlutur

Ég á nú eftir að vinna í nokkrum myndum og nokkrar af þeim eru svolítið spennandi sem ég stal (með góðfúslegu leyfi) af bloggsíðu, ég ætla síðan að senda þær til baka í pósti þegar ég er búin að fikta aðeins í þeim.

Það lítur út fyrir það að ég geti klárað peysuna í dag og ég er strax farin að hugsa hvað ég geti prjónað næst, reyndar byrjaði ég á því fyrir nokkrum dögum en á maður ekki að hugsa svona hluti eftir að maður klárar það sem maður er að gera

Þarf að vinna svolítið í dag en vona að ég verði snögg svo ég geti snúið mér að peysunni, hvernig ætli ég þurfi að vera klædd til að ganga í hús í bænum ..

Í dag horfði ég upp á skondið atvik, kona sat við skrifborð og spratt allt í einu á fætur, æddi að skáp sem geymir yfirhafnir. Kom svo aftur til baka og sagðist ætla að skreppa aðeins út í bíl á meðan hún fór í kápuna og vafði á sig trefli. Síðan labbaði hún rétt yfir götuna sem er alveg fyrir framan húsið sem við vorum í og fór upp í bílinn, spennti á sig öryggisbeltið og setti í gang. Við vorum nokkrar þarna og fylgdumst með þessu og fórum að spá í hvert konan væri að rjúka. Þessi kona fór ekki langt því hún var að færa bílinn í stæði sem er fyrir framan húsið. Ég persónulega hefði ekki nennt þessu, í fyrsta lagi var hálftími þangað til hún færi heim, í öðru lagi fara í öll þessi föt, í þriðja lagi spenna öryggisbeltið, ég sá þetta ekki vel en ég er 100 % viss um að hún hafi sett stefnuljósið á  

Ermarnar eru komnar á aðalprjóninn og ég er langt komin með mynstrið .. jii hvað mér finnst skrýtið að segja mynstur en ekki munstur ..  Mér óar samt pínu fyrir að sauma og klippa peysuna í sundur en ef eitthvað gerist þá prófa ég bara að prjóna aðra hehe

Skrýtið með þetta blogg, mynd sem ég var búin að eyða úr albúminu var komin þangað inn aftur og það eru nokkrir dagar síðan ég eyddi henni

 Svo núna fór ég á forsíðuna og sá þessa færslu þar en þá birtist myndin sem ég er með ekki þar, en það skiptir ekki svo miklu máli en skrýtið samt